મામલતદારશ્રી જંબુસર ધ્વારા જંબુસર તાલુકાના દહેગામ ગામ ખાતે આવેલ ગોપાલક મંડળીની દુકાનની રેશનકાર્ડ ધારકોની વ્યાપક ફરિયાદોને ધ્યાને લઇ તપાસણી કરતાં અનિયમિતતા જણાતા ગોપાલક મંડળીની દુકાનનો પરવાનો જિલ્લા પુરવઠા અધિકારી ધ્વારા ૯૦ દિવસ માટે સસ્પેન્ડ કરવામાં આવેલ છે તેમજ મુજબ મામલતદારશ્રી ભરૂચના ચાર્જમાં આવેલ પ્રોબેશનર(આઇ.એ.એસ.) અધિકારીશ્રી ધ્વારા ભરૂચ શહેરના વેજલપુર વિસ્તારમાં આવેલ નિલેશ આર. મહેતાની દુકાનની કરાયેલ રેગ્યુલર તપાસણી કરતાં અનિયમિતતા જણાતાં ભરૂચ શહેરના વેજલપુર વિસ્તારમાં આવેલ નિલેશ આર. મહેતાની દુકાનનો પરવાનો પણ ૯૦ દિવસ માટે સસ્પેન્ડ કરવામાં આવેલ છે.
વધુમાં આ દુકાનની ૧૦૦% તપાસણી કરવાનો હુકમ પણ કરવામાં આવેલ છે. જે તપાસણી થયા બાદ આખરી હુકમ કરવામાં આવશે એમ જિલ્લા પુરવઠા અધિકારી ભરૂચે જણાવેલ છે.
Advertisement
