ભારતમાં 5G સ્પેક્ટ્રમની હરાજીને મંજૂરી આપવામાં આવી છે. કેન્દ્રીય કેબિનેટે આને મંજૂરી આપી દીધી છે. ડિપાર્ટમેન્ટ ઓફ ટેલિકોમ્યુનિકેશનના પ્રસ્તાવ અનુસાર, હરાજીમાં સફળ થનારી ટેલિકોમ કંપનીઓ દેશભરમાં 5G સેવા પૂરી પાડી શકે છે.
ભારતમાં 5G સેવા શરૂ કરવાની તારીખ હજુ સુધી કન્ફર્મ કરવામાં આવી નથી. પરંતુ, ઘણા અહેવાલો અનુસાર, આ સેવા આ વર્ષના અંત સુધીમાં બહાર પાડવામાં આવી શકે છે. 5G હાલના 4G કરતાં ઘણું ઝડપી છે. તેની સ્પીડના કારણે ઘણી વસ્તુઓમાં મોટા ફેરફાર જોવા મળશે.
ટેલિકોમ મંત્રાલય દ્વારા આપવામાં આવેલા પ્રસ્તાવ મુજબ આગામી 20 વર્ષ માટે 72Ghz પર 5G સ્પેક્ટ્રમની હરાજી કરવામાં આવશે. તમને જણાવી દઈએ કે ટેલિકોમ કંપનીઓ 5G સર્વિસ માટે સતત ટ્રાયલ કરી રહી છે. તેમાં ડાઉનલોડ અને અપલોડ માટે ખૂબ જ સ્પિડ ઝડપ જોવા મળી છે.
આવી સ્થિતિમાં, એવું માનવામાં આવે છે કે હરાજી પ્રક્રિયા પછી, કંપનીઓ તેને ટૂંક સમયમાં રિલીઝ કરવા પર કામ કરશે. ટેલિકોમ કંપનીઓ આ માટે સતત ઈન્ફ્રાસ્ટ્રક્ચર તૈયાર કરી રહી છે. એક રિપોર્ટમાં કહેવામાં આવ્યું છે કે તેને સૌથી પહેલા મેટ્રો શહેરો અને મોટા શહેરોમાં રિલીઝ કરવામાં આવશે.
72097.85 MHz સ્પેક્ટ્રમની હરાજી જુલાઈ 2022ના અંત સુધીમાં કરવામાં આવશે. તેની વેલિડિટી 20 વર્ષ માટે રહેશે. સ્પેક્ટ્રમ હરાજીમાં નીચા (600 MHz, 700 MHz, 800 MHz, 900 MHz, 1800 MHz, 2100 MHz, 2300 MHz), મધ્ય (3300 MHz) અને ઉચ્ચ (26 GHz) નો સમાવેશ થશે. મિડ અને હાઈ બેન્ડ સ્પેક્ટ્રમનો ઉપયોગ કરીને 5G રિલીઝ થશે.
5G આવ્યા પછી, તમે ઇન્ટરનેટ સ્પીડમાં સૌથી મોટો તફાવત જોશો. આમાં તમને વર્તમાન સ્પીડ કરતા 10 ગણી ઝડપી સ્પીડ મળશે. આ સિવાય ઓડિયો અને વિડિયો કોલની ગુણવત્તા ઘણી સારી થઈ જશે. ગેમિંગ સેક્ટરમાં પણ 5G આવ્યા બાદ ઘણા બદલાવ જોવા મળશે.
5G આવ્યા પછી, IoT ડિવાઇસનો ઉપયોગ વધશે, જે તમારા ઘરને સ્માર્ટ બનાવશે. આ સિવાય તે ડ્રોન દ્વારા ખેતરમાં દવા પહોંચાડવામાં અને તેની સંભાળ રાખવામાં પણ મદદ કરશે. 5G ડ્રાઇવર વિનાના વાહનો ચલાવવાનું પણ સરળ બનાવશે.
