જી.સી.ઈ. આર.ટી.ગાંધીનગર દ્વારા વિદ્યાર્થીઓમાં વ8વિવિધ જીવન કૌશલ્યોની ખીલવણી થાય તે માટે બાળમેળાની પ્રવૃત્તિ ધોરણ 1 થી 5 ના બાળકો માટે યોજવામાં આવી હતી.
આ બાળમેળાની પ્રવૃત્તિઓ દ્વારા વિદ્યાર્થીઓમાં બાળવાર્તા, માટીકામ, રંગપૂરણી, ચિત્રકામ, કાગળકામ, ગડીકામ, છાપકામ, રંગોળી, વિવિધ રમતો, ગીત-સંગીત, અભિનય ગીત જેવી વિવિધ પ્રવૃતિઓ અને રમતોના માધ્યમથી વિદ્યાર્થીઓમાં રહેલી શક્તિઓને ઉજાગર કરવાનો પ્રયત્ન કરવામાં આવે છે.
વિદ્યાર્થીઓ વિવિધ આનંદદાયી પ્રવૃત્તિઓ કરી મનોરંજન સાથે જ્ઞાન મેળવે, સહકાર-નેતૃત્વ-લોકશાહીની ભાવના – સાહસિકતા તેમજ બાળકોની મનોસામાજીક માવજત થાય એ હેતુ સાર્થક નીવડે તેવા આશયથી શાળાનાં આચાર્ય પારસબેન પટેલ, શિક્ષકગણ નિલેશકુમાર સોલંકી, તેજસકુમાર પટેલ, નિતેશકુમાર ટંડેલના માર્ગદર્શન હેઠળ બાળમેળાનું સુચારુ આયોજન હાથ ધરવામાં આવ્યું હતું અને તમામ બાળકોનો એક જ સૂર હતો કે અમને ખૂબ જ મજા પડી.
હાંસોટની પ્રાથમિક શાળા સાહોલમાં ” ગિજુભાઈ બધેકા ” બાળમેળો યોજાયો.
Advertisement
