હાંસોટ તાલુકાના શેરા ગામે એક મકાનમાં આગ ફાટી નીકળતા દોડધામ મચી જવા પામી હતી એક ફાયરબ્રિગેડ દોડી આવી ભારે જહેમત બાદ આગ પર કાબુ મેળવ્યો હતો 

હાંસોટના શેર ગામના પંચાયત ફળીયામાં રહેતા રમણ ભાઈ પ્રજાપતિના મકાન માં અચાનક કોઈક કારણોસર આગ ભભૂકી ઉઠતા નાસભાગ મચી જવા પામી હતી આગ ને જોતા જ ઘરના સભ્યો બહાર નીકળી ગયા હતા જો કે ગામના લોકો ને જાણ થતા દોડી આવી પાણી નો છંટકાવ કર્યો હતો પરંતુ આગ વધુ વિકરાળ બનતા તાત્કાલિક અંકલેશ્વર નગરપાલિકા ફાયર સ્ટેશન માં જાણ કરતા એક ફાયરબ્રિગેડ દોડી આવી પાણી નો છંટકાવ કર્યો હતો ,ભારે જહેમત બાદ આગ પર કાબુ મેળવ્યો હતો ,આ આગ માં ઘરવખરી બળી ને ખાખ થઇ જતા રમણ પ્રજાપતિ ને ભારે નુકશાન થવા પામ્યું હતું આગ  પર કાબુ મેળવાતા સૌએ રાહત નો શ્વાસ લીધો હતો  જો કે સદભાગ્યે  કોઈ જાનહાની થવા પામી ન હતી