ગોધરા રાજુ સોલંકી
Advertisement
ગોધરા, શુક્રવારઃ પંચમહાલ જિલ્લામાં, તા. ૨જી ઓક્ટોબર, ૨૦૧૮ થી તા. ૩૧મી ડિસેમ્બર, ૨૦૧૮ દરમિયાન ખાસ ગ્રામ સભાઓ યોજવાનું આયોજન કરવામાં આવ્યું છે. જે મુજબ જિલ્લામાં ૪૮૭ ખાસ ગ્રામ સભાઓ યોજાશે. આ ખાસ ગ્રામ સભાઓમાં, દરેક ગામનો વર્ષ ૨૦૧૯-૨૦ માટેનો ગ્રામ પંચાયત ડેવલપમેન્ટ પ્લાન (GPDP) બનાવવા સહિત વિવિધ યોજનાકીય માહિતી ગ્રામજનોને આપવામાં આવશે.
લોક ભાગીદારીથી યોજાનારી આ ખાસ ગ્રામ સભાઓમાં સંબંધિત વિસ્તારના સાંસદ, ધારાસભ્યો, જિલ્લા અને તાલુકા પંચાયતના સદસ્યો ઉપસ્થિત રહેશે. તેમજ તેના સરળ સંચાલન અને નિરિક્ષણ માટે જિલ્લા/તાલુકાના વર્ગ-૧ અને વર્ગ-૨ના અધિકારીઓના આદેશો પણ કરવામાં આવ્યાં છે.
