જય દ્વારિકાધીશ’ના નાદ સાથે જગતમંદિર દ્વારકા ગુંજી ઉઠ્યું, રોશનીના શણગારથી સોનાની દ્વારીકા જેવા દ્રશ્યો….

સૌજન્ય-દ્વારકા: આજે જન્માષ્ટીને ભગવાન કૃષ્ણના જન્મનો આનંદોત્સવ. રાજ્યભરના વિવિધ મંદિરમાં કાનાના જન્મોત્સવની ઉજવણી થઈ રહી છે. આ સાથે જગતમંદિર દ્વારકા ‘જય દ્વારિકાધીશ’ ના નાદ સાથે ગુંજી ઉઠ્યું છે. જગતમંદિરમાં કાનુડાના જન્મોત્સવની ઉમંગભેર ઉજવણી કરવામાં આવી રહી છે. ત્યારે દ્વારકામાં લાખો ભાવિકોએ દ્વારકાધિશના દર્શન કરી ધન્યતા અનુભવી હતી. જગતમંદિરને ચારે બાજુથી ડિજિટલ રોશનીથી શણગાર સજ્જ કરવામાં આવ્યું છે. મંદિરના શિખરથી લઈને છેક નીચેના ભાગ સુધી ડિજિટલ લાઇટીંગથી ઝળહળી ઉઠ્યું છે. રાત્રિના સમય સોનાની દ્વારકા નગરીનું દ્રશ્ય હોય તેવા ભાવ છવાયો છે.