દાહોદ રૂરલ પોલીસ પોલીસ સ્ટેશનની હદમાં વિસ્તારમાં પેટ્રોલિંગ કરી રહી હતી તેવા સમયે તેમને બાતમી મળી હતી કે ઉકરડી ગામના શેરા ફળિયામાં રહેતી મંગીબેન સનાભાઇ નીનામા તેના રહેણાંક મકાનમાં દેશી દારૂ રાખી અને છૂટક વેચાણ કરે છે તેવી બાતમીના આધારે રૂલર પોલીસે તેના રહેણાંક મકાનમાં પહોંચી રેડ કરતા તેના ઘરમાં રાખેલા પ્લાસ્ટિકના કેનમાં દેશી દારૂ ભરેલા મળી આવ્યા હતા અને રૂલર પોલીસે દેશી દારૂનો કબજો કરી દેશી દારૂનું છૂટક વેચાણ કરતી મહિલા મંગીબેન સનાભાઇ નિનામાની અટકાયત કરી તેની સામે પ્રોહી એક્ટ મુજબનો ગુનો નોંધયો હતો.
ત્યારે દેશી દારૂનો બીજો બનાવ જેકોટ ગામમાં પોલીસ પેટ્રોલિંગ કરી રહી હતી તેવા સમયે વાંદરિયા ગામે પટેલ ફળિયામાં રહેતી પાસુબેન સોમજીભાઈ પલાસ નામની મહિલા તેના ઘરમાં દેશી દારૂ રાખી છૂટક વેચાણ કરે છે તેવી બાતમીના આધારે પોલીસે તેના ઘરમાં ઓચિંતી રેડ કરતા તેના ઘરમાંથી પ્લાસ્ટિકના બેરલમાં દેશી દારૂ ભરેલો મળી આવ્યો હતો અને દેશી દારૂનું છૂટક વેચાણ કરતી મહિલા પાસુબેન સોમજી પલાસની પોલીસે અટકાયત કરી તેની સામે પ્રોહી એક્ટ મુજબનો ગુનો નોંધ્યો હતો.
