ધડાકા ભેર થયેલ બ્લાસ્ટના પગલે નાસભાગ અને દોડધામ દ્રશ્યો… સમગ્ર પંથકમાં ભયની લાગણી
આજે સવારે ૧૧ વાગ્યાના સુમારે ભરૂચ જીલ્લામાં ઔધોગિક પંથક એવા દહેજ સેઝ ૩ માં આવેલ રાલીશ ઇન્ડિયા કંપનીમાં ધડાકા ભેર બ્લાસ્ટ થયો હતો. આગની જવાળા અને ધુમાડા દુર દુરથી દેખાય તેવો દ્રશ્યો સર્જાયા હતા. ધડાકા ભેર બ્લાસ્ટ થતા આજુ-બાજુના ગામના લોકો ઘરની બહાર નીકળી આવ્યા હતા. બ્લાસ્ટનાં આગના જવાળા અને ધુમાડા જોતા સમગ્ર પંથકમાં ભય ફેલાયો હતો. આ બ્લાસ્ટ મરીન પોલીસ સુત્રોના જણાવ્યા અનુસાર રાલીશ ઇન્ડીયા કંપનીનાં પ્લાન્ટમાં પાણી મીક્ષ કરવાની પ્રકિયા દરમ્યાન ટેન્કનું ઢાકણ અચાનક ખુલી જતા જવલનશીલ ગેસ ધડાકાભેર વાઘુતાયો હતો જેથી બ્લાસ્ટ થતા અફરાતફરી નું વાતાવરણ સર્જાયું હતું. આ ઘટનામાં કંપની ના સુત્રોના જણાવ્યા અનુસાર કોઈને ઈજા કે જાનહાની થઇ નથી જો કે આ ઘટના બનતાજ મામલતદાર કક્ષા નાં અમલદારો ઘટના સ્થળે પહોંચી ગયા હતા.
