ચોટીલા શહેરમાં વધુ એક કોરોનાનો પોઝિટિવ કેસ નોંધાતા આરોગ્ય વિભાગમાં દોડધામ મચી.

ચોટીલા શહેરમાં વેપારીને કોરોના પોઝિટિવ આવ્યા બાદ એક પછી એક કોરોના પોઝિટિવ કેસ સામે આવતા ચોટીલા વાસીઓમાં કોરોનાનો ભય જોવા મળી રહ્યો છે, અગાઉ એક પુરુષ અને ત્રણ મહિલાને કોરોના પોઝિટિવ આવ્યા બાદ ચોટીલા ઘાંચીવાડ વિસ્તારમાં રહેતા ૫૪ વર્ષીય સુભાનભાઈ રહેમાનભાઈ અગરિયા કોરોના પોઝિટિવ આવતા ચોટીલા શહેરમાં કોરોના પોઝિટિવ કેસ આંક પાંચ ઉપર પહોંચી ગયો છે, જ્યારે કોરોના પોઝિટિવ આવેલ દર્દીઓને હોમ આઈસોલેટ કરીને આરોગ્ય વિભાગની દેખરેખ હેઠળ રાખ્યા હોવાનું જાણવા મળ્યું છે. આમ ચોટીલામાં પાંચ દિવસમાં પાંચ કેસ નોંધાતા આરોગ્ય વિભાગમાં પણ દોડધામ મચી જવા પામી છે.

કલ્પેશ વાઢેર સુરેન્દ્રનગર