ભરૂચ જીલ્લાનાં વાગરા તાલુકામાં કલાદરાનાં આધેડને પાઇપ મારી પગાર લૂંટી યુવાન ફરાર થઈ જતાં પોલીસ ચોપડે ફરિયાદ દાખલ થઈ છે.

વાગરાના કલાદરા ખાતે ગત સાંજનાં લૂંટની ધટનાં બની છે. જેમાં માત્ર રૂપિયા 8020 ની લૂંટની ધટના બની છે. જેમાં રમેશ પઢિયાર ઉં.વર્ષ 50 નાઓ શુભ લક્ષ્મી કંપનીમાંથી સાંજના પોતાનો પગાર 8020 રૂપિયા લઈને કાચા રોડ ઉપર જઇ રહ્યા હતા. તે દરમ્યાન રસ્તામાં એક 30 થી 35 વર્ષની ઉંમરનો બુકાની બાંધી એ આધેડ રમેશભાઈ પઢિયારને રોકીને કહ્યું કે તમારી પાસે જે કંઇ રૂપિયા છે તે આપી દે તેવું ગુજરાતીમાં કહ્યું હતું. જોકે રમેશભાઈએ ના પાડતા લૂંટારુ અજાણ્યા યુવાને હાથમાનો લોખંડનો પાઇપ માથાનાં ભાગે મારીને ગંભીર ઇજા પહોંચાડીને રૂપિયા 8020 લૂંટી ગયો હતો. આ બનાવમાં ધાયલ રમેશભાઈને નજીકનાં દવાખાનાંમાંથી સારવાર બાદ અન્ય હોસ્પીટલમાં દાખલ કરવામાં આવ્યા હતા. જયારે આ અંગે વિક્રમ પઢિયારે અજાણ્યા યુવાન સામે દહેજ પોલીસ મથકમાં ફરિયાદ આપતા દહેજ પોલીસ મથકનાં PSI આર.એસ રાજપૂત તપાસ ચલાવી રહ્યા છે.