ભરુચ : રાજ્યસભા સાંસદ અહમદભાઈ પટેલે દિપાવલી, નુતનવર્ષ અને ભાઇબીજના તહેવારની શુભેચ્છા પાઠવી છે.

રાજ્યસભા સાંસદ અને ઓલ ઈન્ડિયા કોંગ્રેસ સમિતિના કોષાધ્યક્ષ અહમદભાઈ પટેલે દીપાપલી, નુતનવર્ષ અને ભાઇબીજના તહેવારના ત્રિવેણી સંગમે તમામ દેશવાસીઓને શુભેચ્છાઓ પાઠવી છે.
અહમદભાઈ પટેલે પોતાના શુભેચ્છા સંદેશમાં જણાવ્યુ કે, દિવાળી દીપકોનો તહેવાર છે અને નુતનવર્ષ આવનાર વર્ષનાં નવા સંકલ્પો સિદ્ધ કરવા માટેની એક સોનેરી તક છે. દિવાળીમાં પ્રકાશિત થતો દીપક આપણાં સૌમાં નવા ઉત્સાહનો સંચાર કરે અને દીપકની જ્યોતિ જ્ઞાન અને વિવેક જેવા ગુણોને પ્રગટ કરે.
વધુમાં તેમણે જણાવ્યું કે, નુતનવર્ષ આવનાર દિવસોને હર્ષપૂર્વક અપનાવવા માટેનો એક નવીન અવસર છે અને વિતેલા વર્ષનાં વેરભાવ અને નિષ્ફળતાઓને ભૂલવાની એક તક છે.
અહમદભાઈ પટેલે પોતાના શુભેચ્છા સંદેશમાં સમાજના દરેક વ્યક્તિ પરસ્પર જોડાઈને ભાઈ-બહેનનાં સંબંધ થકી આવનારા વર્ષની શરૂઆત શુભ રહે એવી પણ મંગલ કામના કરી છે. સર્વના ઉજજવળ ભવિષ્ય માટે દિવાળી, નુતનવર્ષ અને ભાઇબીજનું પર્વ મંગલકારી નીવડે એવી પ્રાર્થના કરી છે.