નેશનલ હાઇવે નંબર 48 પર કરજણ નજીક લાકોદરા પાટિયા પાસે ખાનગી લક્ઝરી બસમાં શોર્ટ ના કારણે આગ ફાટી નીકળતા દોડધામ
ભરૂચ જિલ્લા ને અડીને આવેલા નેશનલ હાઇવે 48 ઉપર લાકોદરા પાટિયા પાસે આજે સવાર ના સમયે એક ખાનગી લક્ઝરી બસ માં અચાનક આગ ફાટી નીકળતા ભારે નાશભાગ મચી હતી,
કહેવાય છે કે પુના થી અમદાવાદ જતી એસી લક્ઝરીબસમાં અચાનક શોર્ટ સર્કિટ થયા બાદ ધુમાડા નીકળવા લાગ્યા હતા અને જોત જોતા માં આખે આખી લક્ઝરી બસ આગ ની ચપેટ ના આવી ગઈ હતી,
લખઝરી બસમાં અંદાજીત 20 જેટલા મુસાફરો સવાર હતા જોકે ડ્રાઇવરની સતર્કતાના કારણે તમામ મુસાફરોનો આબાદ બચાવો હતો,લકઝરી બસમાં આગ લાગી હોવાનું જાણ કરજણ ફાયર બ્રિગેડ તેમજ ટ્રાફિક પોલીસ ને કરવામાં આવતા તેઓએ તાત્કાલિક સ્થળ ઉપર દોડી ગયા હતા,તેમજ કરજણ ફાયર બ્રિગેડ ના કર્મીઓએ જહેમત બાદ આગ ઉપર કાબુ મેળવવા માં સફળતા હાસિલ કરી હતી,
લક્ઝરી બસ માં લાગેલ આગ ની ઘટના બાદ થોડા સમય માટે હાઇવે ઉપર પણ ટ્રાફિક જામ ની સ્થિતિ સર્જાઈ હતી, જોકે પોલીસ વિભાગે સ્થળ ઉપર દોડી જઈ ગણતરી ના સમયમાં ટ્રાફિક ને હળવો કર્યો હતો,
