ઇન્ડિયા ગંઠબંધન ને લઈ ભરૂચ કોંગ્રેસ ની મહત્વની બેઠક સર્કિટ હાઉસ ખાતે આવતી કાલે યોજાય તેવી શક્યતા
ઇન્ડિયા ગંઠબંધન માં ભરૂચ લોકસભા બેઠક આમ આદમી પાર્ટી ના ફાળે જતા જાણે કે સ્થાનિક જિલ્લા કોંગ્રેસ વેર વિખેર બની છે, કોંગ્રેસ ના અનેક નેતાઓ જ્યાં ખુદ પાર્ટી ની કેટલીક નીતિઓ થી નારાજ છે તો કેટલાક નેતાઓ આંતરિક રાજકારણ ને લઈ પણ નારાજગી વ્યક્ત કરી રહ્યા છે, તેવામાં હવે ભરૂચ જિલ્લા કોંગ્રેસ ની અગત્ય ની બેઠક આવતી કાલે ભરૂચ ઝાડેશ્વર સર્કિટ હાઉસ ખાતે યોજાશે તેમ સૂત્રો પાસેથી જાણવા મળી રહ્યું છે,
કહેવાય રહ્યું છે કે આ બેઠક માં ઇન્ડિયા ગંઠબંધન મુદ્દે અને પાર્ટી ના સ્ટેન્ડ મુદ્દે મહત્વની ચર્ચાઓ કરવામાં આવનાર છે, તાજેતર માંજ નારાજ થયેલા કેટલાક અગ્રણી નેતાઓને પણ આ મિટિંગ માં સાંભળવા માં આવનાર હોવાનું ચર્ચાઈ રહ્યું છે, એક સાંધે ને તેર તૂટે જેવી સ્થિતિ માં મુકાયેલ કોંગ્રેસ ને હવે જોવું રહ્યું કોણ એક જૂથ કરી આગામી ચૂંટણીઓમાં કામે લગાડે છે તે તો આગામી સમય માંજ ખબર પડી શકે તેમ છે,
