ભરૂચ જિલ્લાના પાલેજથી વાયા ઝંઘાર, નબીપુર થઈ ભરૂચ ખાતે એસ.ટી બસ મારફતે અભ્યાસ કરવા આવતા 100 થી વધુ વિદ્યાર્થીઓની હાલત કફોડી બની છે, વિદ્યાર્થીઓએ આક્ષેપ કર્યા હતા કે સવારે પાલેજ ખાતે આવતી એસ.ટી બસમાં 56 લોકોની બેસવાની વ્યવસ્થા હોય છે જે બસમાં ડ્રાઇવર અને કન્ડકટર 100 થી વધુ મુસાફરોને જોખમી રીતે બેસાડતા હોય છે.
એસ.ટી બસમાં ક્ષમતા કરતા વધુ વિદ્યાર્થીઓ હોવાના કારણે બસમાં ખીચોખીચ હાલતમાં ઉભા રહી ભરૂચ અભ્યાસ માટે આવવું પડે છે, જે બાબતની અવારનવાર એસ.ટી બસ ડેપો મેનેજરને રજુઆત કરવામાં આવી હતી તેમ છતાં તેઓની આ સમસ્યાનો કોઈ ઉકેલ આજદિન સુધી આવ્યો ન હતો.
Advertisement
આખરે આજરોજ વિધાર્થીઓએ ભરૂચના નવ નિર્માણ પામેલ બસ ટ્રમિનલ ડેપો ખાતે ડેપો મેનેજર સમક્ષ હોબાળો મચવ્યો હતો અને આ રૂટ ઉપર બસોની ફાળવણી કરવા માંગ કરી તેઓને લેખિતમાં રજુઆત કરાઈ હતી.
