તારીખ 4 ઑગસ્ટ 2023 ના રોજ ભરૂચ જિલ્લાની 108 ઝઘડીયા એમ્બ્યુલન્સને સાંજે 6:30 વાગ્યેના સુમારે ઝઘડિયા – રાજપારડી રોડ ઉપર સુલતાનપુરા નજીકનો રોડ એકસીડન્ટનો કેસ મળ્યો હતો. જેમાં ઝઘડિયા 108 એમ્બ્યુલન્સમાં ફરજ બજાવતા ઇએમટી અમિતકુમાર પરમાર તથા પાયલોટ કમલેશભાઈ વસાવા એમ્બ્યુલન્સ લઈ તરત જ સ્થળ પર જવા નીકળ્યા હતા.
જેમાં સ્થળ પર પહોંચી દર્દીને તપાસતા દર્દીને માથાના ભાગે ઇજા થઈ હતી તેથી તરત જ સ્થળ પર સારવાર આપી નજીકના પીએચસી અવિધા વધુ સારવાર માટે લઈ ગયા હતા. આ દરમિયાન દર્દી પાસેથી આશરે એક લાખ રૂપિયા (1,00,000), એક લેપટોપ, ત્રણ મોબાઈલ, ઘડિયાળ અને કીમતી દસ્તાવેજો મળ્યા હતા. જે દર્દીના ભાઈને બોલાવીને અવિધા પીએસસી પર જ પરત કર્યા હતા. આમ 108 ટીમે પ્રમાણિકતાનો વધુ એક ઉત્તમ ઉદાહરણ પૂરું પાડ્યું હતું.
Advertisement
