ભરૂચ : જંબુસરના વેડચ-ઉબેર માર્ગ ઉપર વરસાદી પાણીમાં એસ.ટી બસ ફસાઈ, મુસાફરો સલામત રીતે બહાર નીકળ્યા

ભરૂચ જિલ્લામાં વરસાદી માહોલ વચ્ચે ધીરે ધીરે હવે તારાજીના દ્રશ્યો પણ સામે આવી રહ્યા છે, ખાસ કરી જંબુસર પંથકમાં પણ વરસાદી માહોલ બાદ કેટલાય સ્થળે પાણી ભરાવો થતા લોકો હાલાકીનો સામનો કરી રહ્યા છે, જેમાં વેડચ ઉબેર માર્ગ પર એક એસ.ટી બસ ફસાઈ જતા દોડધામ મચી હતી.

કંબોઈથી બદલપુર જતી બસ વેડચ ઉબેર માર્ગ ઉપર પાણીમાં ફસાઈ હતી, જે બાદ એક સમયે મુસાફરોના જીવ ટાળવે ચોંટ્યા હતા, પાણીમાં ફસાયા બાદ એસ.ટી બસનું એક તરફનું વ્હીલ ખાડામાં ઉતરી જતા બસ નમી પડી હતી તો બીજી તરફ પાણી વચ્ચે જ જીવના જોખમે મુસાફરોએ ઉતરી પડી હેમખેમ રીતે બહાર નીકળ્યા હતા.