SRF રૂરલ હેલ્થ પ્રોગામ અંતર્ગત જીલ્લા પંચાયત ભરૂચ અને જીલ્લા આરોગ્ય સહયોગથી મોબાઈલ હેલ્થ વાનને જીલ્લા પ્રમુખ અલ્પાબેન પટેલ અને જીલ્લા વિકાસ અધિકારી પ્રશાંત જોશીએ લીલીઝંડી આપી હતી.
જીલ્લા વિકાસ અધિકારી દ્વારા જાણવ્યું હતું કે, એસ.આર.એફ ફોઉન્ડેશન ખુબ સારી પ્રવૃત્તિ કરી રહી છે અને સાથે આરોગ્યલક્ષી કાર્યક્રમ જે મોબાઈલ હેલ્થ વાન શરૂ કરવામાં આવી છે એનાથી ભરૂચ જીલ્લાના છેવાડાના લોકો સુધી આનો લાભ મળશે. આ કાર્યક્રમમાં જીલ્લા આરોગ્ય અધિકારી જે એસ દુલેરા, જાહેર આરોગ્ય સમિતિના ચેરમેન આરતીબેન પટેલ અને એસ.આર.એફ ફાઉન્ડેશનના સીનીયર પ્રોગ્રામ ઓફીસર નિશા જુનેજા અને પ્રોગ્રામ ઓફિસર ભરૂચ અને નેત્રંગ અને એસ.આર.એક કંપનીથી પધારેલ સી.એસ.આર ટીમના સભ્યો હાજર રહ્યા હતા.
SRF ફાઉન્ડેશન વતી ગામડાના લોકો માટે મફત, સુલભ અને ગુણવત્તાયુક્ત આરોગ્ય સેવાઓ પ્રદાન કરવાની પ્રતિબદ્ધતા છે. ભરૂચ જિલ્લાના વાગરા તાલુકાના દહેજમાં અને તેની આસપાસના ગામડાઓ અને દહેજ, વાગરા અને ભરૂચ વચ્ચે ફેલાયેલા ગામોમાં લોકો સુધી પહોંચે એ હેતુ છે. મેડિકેર એ ગામડાના જીવનનો સૌથી મહત્વપૂર્ણ ઘટક છે તેની અનુભૂતિ કરીને, SRF ફાઉન્ડેશને RF સ્વાસ્થ્ય સેવા નામના અનોખા કાર્યક્રમની શરૂઆત કરવામાં આવી છે.
મોબાઇલ વાન દ્વારા આરોગ્ય વિષયોનું શિબિર, સમુદાય જાગૃતિ કાર્યક્રમો, લોજિસ્ટિક સપોર્ટ અને સ્થાનિક લોકોને એનો લાભ મળશે. જરૂરિયાત અને સમુદાયના સ્તરના આધારે એક મહિનામાં ત્રણ વખત તમામ ગામોને આવરી લેવામાં આવશે. SRF સ્વાસ્થ્ય સેવા માટે અઠવાડિયામાં ૬ દિવસ કામ કરશે અને વાગરા તાલુકાના ૧૫ ગામમાં કામ કરશે. જેનો લાભ અંદાજિત ૧૫,૦૦૦ ગામ લોકોને મળી રહેશે. આ હાંસલ કરવા માટે, વાન મૂળભૂત દવાઓ, ઉપભોજ્ય વસ્તુઓ, તબીબી સાધનો ચેપ નિયંત્રણ પગલાં તબીબી ગુણવત્તા નિયંત્રણ પ્રોટોકોલ સંબંધિત સંદેશાવ્યવહાર સામગ્રીથી સજ્જ હશે. મોબાઈલ વાનમાં મેડિકલ ડોક્ટર પેરામેડિકલ સ્ટાફ અને ડ્રાઈવર હશે. સુઆયોજિત આઉટરીચ વ્યૂહરચના સાથે, મોબાઇલ વાન પૂર્વ-નિર્ધારિત સમય અને તારીખો પ્રદાન કરવા માટે સમુદાય સુધી પહોંચશે.
