જંબુસરના ઇસનપુર ઝામડી ગામે દરીયામાં માછીમારી કરવા ગયેલ યુવકનુ ડૂબી જતા મોત

ભરૂચ જિલ્લાના જંબુસર તાલુકાના ઇસનપુર જામડી ગામ ખાતે દરિયામાં માછીમારી કરવા ગયેલ એક ઈસમનું ડૂબી જતા મોત નીપજ્યું હોવાનો બનાવ સામે આવતા પંથકમાં ખળભળાટ મચ્યો છે. માછીમારી કરવા ગયેલ યુવાનને ચક્કર આવતા બોટમાંથી પાણી પડી જતાં સંતોસભાઈ સોમાભાઈ માછી ઉંમર 35 નુ મોત નીપજ્યું હતું.

મૃતકને જંબુસર જનરલ હોસ્પિટલમાં લાવવામાં આવ્યો હતો ત્યાં હાજર ફરજ પરના ડોક્ટર દ્વારા મૃત જાહેર કરવામાં આવ્યો છે, હાલ મામલે કાવી પોલીસને ઘટનાની જાણ થતા પોલીસ હોસ્પિટલ ખાતે દોડી આવી પીએમ ની કાર્યવાહી હાથધરી છે.