ભરૂચ શહેરમાં તસ્કરો એ બેફામ બની પોલીસને ખુલ્લો પડકાર ફેંક્યો હોય તેવા બનાવ સામે આવ્યા છે, શહેરના સ્ટેશન રોડ વિસ્તારને અડીને આવેલ ફ્લશ્રુતિ નગર, અમર દીપ કોમ્પ્લેક્ષ, સાકાર કોમ્પ્લેક્ષમાં આવેલ ચારથી પાંચ દુકાનોના શટર તોડી ચોરીની ઘટનાને અંજામ આપી અજાણ્યા તસ્કરો પલાયન થઈ જતા વિસ્તારમાં ધંધો રોજગાર કરતા વેપારીઓમાં ફફડાટનો માહોલ છવાયો છે.
જાણવા મળ્યા મુજબ સ્ટેશન રોડ પરના મુખ્ય માર્ગને અડીને આવેલ વિસ્તાર અને અનેક હોસ્પિટલો અને ક્લિનિક ધરાવતા લોકોથી ધમધમતા વિસ્તારમાં તસ્કરો એ રાત્રીના સમયે બિન્દાસ પણે ચારથી પાંચ દુકાનોના તાળા તોડી તેમજ શર્ટર ઊંચા કરી અંદર પ્રવેશી રોકડ સહિતની વસ્તુઓની ચોરીને અંજામ આપી ફરાર થયા હતા, જે બાદ સવારના સમયે વેપારીઓ પોતાની દુકાને પરત ફરતા તેઓની દુકાનમાં ચોરીઓ થઈ હોવાનું માલુમ પડયુ હતું.
એક સાથે ત્રણથી વધુ દુકાનોના તાળા તોડી તસ્કરો એ પણ પોલીસને પડકાર ફેંક્યો હતો તો બીજી તરફ એ ડિવિઝન પોલીસ વેપારીઓની ફરિયાદના આધારે સ્થળ પર દોડી જઈ આસપાસના સીસીટીવી ફૂટેજની ચકાસણી કરવા સાથે સમગ્ર મામલે અજાણ્યા તસ્કરો સામે ગુનો દાખલ કરવાની તજવીજ શરૂ કરી હતી.
