ભરૂચ જિલ્લામાં ગેરકાયદેસર રીતે ગેસ રીફીલિંગ કરતા તત્વો સામે સતત સ્પેશિયલ ઓપરેશન ગ્રુપ દ્વારા લાલાઆંખ કરવામાં આવી છે, ખાસ કરી અંકલેશ્વર પંથકમાં પોલીસ વિભાગ દ્વારા સતત દરોડા પાડી ગેસ રીફીલિંગ કરતા ઈસમોને જેલના સળીયા ગણતા કરી મુક્યા છે, તેવામાં વધુ એક સ્થળે સફળ દરોડા પાડી એસ.ઓ.જી દ્વારા ગેસ રીફીલિંગ કરતા એક ઈસમને હજારોના મુદ્દામાલ સાથે ઝડપી પાડ્યો છે.
ભરૂચ સ્પેશિયલ ઓપરેશન ગ્રુપને મળેલ બાતમીના આધારે અંકલેશ્વરના સારંગપુર ગામ ખાતેની ચામુંડા અનાજ કરિયાણાની દુકાનમાં બિનઅધિકૃત ગેસની બોટલમાંથી ગેસ રીફીલિંગ કરતા બક્ષીભાઈ રોશનભાઈ ખત્રી રહે, સારંગપુર નાઓને 11 નંગ ગેસની બોટલ 2 નંગ વજન કાંટા તથા રીફીલિંગ પાઇપ સહિત 22 હજાર ઉપરાંતના મુદ્દામાલ સાથે ઝડપી પાડી તેઓ સામે કાયદેસરની કાર્યવાહી હાથધરી છે.
Advertisement
