ભરૂચ : નવજીવન હ્યુન્ડાઈ ખાતે નવી ગ્રાન્ડ i10 NIOS અને AURA નું લોન્ચિંગ કરાયું.

ભરૂચની ઝાડેશ્વર ચોકડી ભરૂચ પાસે આવેલા નવજીવન હ્યુન્ડાઈ અને રાજપીપળા ખાતે શો રૂમ ખાતે વર્ષની શરૂઆતમાં જ નવા ફિચર્સ અને અદ્યત્તન ટેક્નોલોજી સાથે બે અલગ-અલગ કારનું લોન્ચિંગ થયુ હતું. શો રૂમનાં સ્ટાફ અને માનવંતા ગ્રાહકોની ઉપસ્થિતીમાં ગ્રાન્ડ i10 NIOS નું લોન્ચિંગ ભરૂચ SBI બેન્કનાં AGM રવિશ સિંહા અને AURAનું લોન્ચિંગ આરટીઓ અધિકારી મિતેષ બંગાલેનાં હસ્તે કરવામાં આવ્યુ હતું.

આ પ્રસંગે નવજીવન હ્યુન્ડાઈનાં જનરલ મેનેજર જાકીરભાઈએ તમામ ગ્રાહકોનું સ્વાગત કર્યુ હતું અને ભરૂચ જિલ્લામાં ગ્રાહકોને સંતોષકારક સેવા પુરી પાડવાની કટીબદ્ધતા બતાવી હતીં.નવી લોન્ચ થયેલી બંને ગાડી વિશે તેમણે માહિતી આપતા ઉમેર્યુ હતું કે, કંપનીએ આ વખતે ફિચર્સ અને સેફ્ટી ઉપરાંત સામાન્ય માણસની જરૂરિયાતને ધ્યાનમાં રાખીને ગાડી લોન્ચ કરી છે. AURA માં ત્રણ વેરિયન્ટ લોન્ચ કરાયાં છે જેમાં બે પેટ્રોલ અને એક પેટ્રોલ/સીએનજીનો સમાવેશ થાય છે. આ ગાડીની બેઝ મોડલની કિંમત 6.30 લાખ અને ટોપ મોડલની કિમંત 8.57 લાખ છે. જેમાં કુલ 4 મોડલ લોન્ચ કરાયાં છે. નવી ગ્રાન્ડ i10 NIOS વિશે વાત કરતાં તેમણે ઉમેર્યુ હતું કે, આ વખતે કંપનીએ NIOSનાં 5 મોડલ લોન્ચ કર્યા છે. જેમાં મેન્યુઅલ અને ઓટોમેટિક બંનેનો સમાવેશ થાય છે. આ ગાડીમાં પણ કંપનીએ પેટ્રોલ/સીએનજી મોડલ લોન્ચ કર્યુ છે. જેની બેઝ મોડલની શરૂઆત 5.68 લાખ જ્યારે ટોપ મોડલની કિમંત 7.92 લાખ છે. જેમાં સેફ્ટી માટે 6 એરબેગ સહિત અનેક નવા ફિચર્સ રજૂ કરાયા છે.