ભરૂચ જિલ્લામાં નશાનો વેપલો કરતા તત્વો સામે પોલીસ વિભાગ દ્વારા સતત લાલઆંખ કરવામાં આવી રહી છે, જિલ્લાના વિવિધ સ્થળે પોલીસ વિભાગ ત્રાટકી અનેક બુટલેગરોને જેલના સળિયા ગણતા કર્યા છે તો લાખોનો શરાબનો જથ્થો કબ્જે કરવામાં આવ્યો છે, તેવામાં પાનોલી પોલીસે વધુ એક મોટો જથ્થો ઝડપી પાડયો છે.
અંકલેશ્વરના સંજાલી ગામ ખાતેના ચવારા ફળિયામાં આવેલ એક મકાનમાં પાનોલી પોલીસે બાતમીના આધારે દરોડા પાડી મકાનના અંદરના ભાગે સંતાડેલ ભારતીય બનાવટના વિદેશી શરાબની નાની-મોટી બોટલ નંગ ૪૫૬ કિંમત રૂપિયા ૭૨૩૬૦ નો મુદ્દામાલ કબ્જે કરી મામલે સંજય બાલુભાઈ પટેલ રહે,સંજાલી નાઓને વોન્ટેડ જાહેર કરી સમગ્ર મામલે કાયદેસરની કાર્યવાહી હાથ ધરતા નશાનો વેપલો કરતા તત્વોમાં ખળભળાટ મચ્યો છે.
Advertisement
હારુન પટેલ : ભરુચ
