ભરૂચ શહેરના એ ડીવીઝન પોલીસ મથકની હદ વિસ્તારમાં બેફામ બનેલા બુટલેગરો સામે હવે પોલીસ વિભાગે લાલ આંખ કરી છે, દાંડીયા બજાર વિસ્તારમાં નર્મદા નદીના પટ વિસ્તારમાં ઝાડી ઝાંખરામાં સંતાડી ભારતીય બનાવટના વિદેશી શરાબના જથ્થા સાથે પોલીસે એક બુટલેગરની ધરપકડ કરી છે.
ભરૂચ શહેર એ ડીવીઝન પોલીસે ચોક્કસ બાતમીના આધારે દાંડીયા બજાર સ્થિત સ્મશાન ઘાટ પાસે આવેલ ગંગેશ્વર મહાદેવ મંદિરની પાછળના ભાગે ઝાડીઓમાં દરોડા પાડયા હતા જે દરમિયાન પોલીસના દરોડામાં ભારતીય બનાવટના વિદેશી શરાબની નાની-મોટી કુલ ૫૯૬ બોટલ જેની કિંમત રૂપિયા ૭૦,૪૦૦ ના મુદ્દામાલ સાથે ચિરાગ ચેતનભાઈ વસાવા રહે,લોઢવાડનો ટેકરો દાંડીયા બજાર નાઓને ઝડપી પાડી તેની સામે કાયદેસરની કાર્યવાહી હાથધરી છે.
Advertisement
હારુન પટેલ : ભરુચ
