બનાવ અંગેની પ્રાપ્ત માહિતી અનુસાર ભરૂચ જિલ્લાના વાલિયા તાલુકાના કોંઢ ગામ ખાતે ગામની મધ્યમાં આવેલ તળાવ ખાતે એક યુવક અને એક બાળક ડૂબી ગયા હોવાની બાબત સામે આવતા ભારે ખળભળાટ મચ્યો છે, ઘટનામાં એક વ્યક્તિની લાશ પાણીની બાહર નીકળી આવતા મામલો લોકો વચ્ચે સામે આવ્યો હતો.
હાલ સમગ્ર મામલા અંગે સ્થાનિકો સહિત ફાયરના લાશકરોએ મૃતકની લાશને બહાર કાઢી તેને પોસ્ટમોર્ટમ અર્થે ખસેડવાની તજવીજ હાથધરી છે તેમજ ઘટનામાં સામેલ અન્ય એક વ્યક્તિની તળાવમાં શોધખોળ હાથ ધરવામાં આવી રહી છે,હાલ આ મૃતક કોણ છે, તેમજ લાપતા બનેલ વ્યક્તિ કોણ છે અને ક્યાંના છે તે દિશામાં સ્થાનિકો તેમજ પોલીસે તપાસ શરૂ કરી છે.
અચાનક ગામ તળાવમાં એક સાથે બે વ્યક્તિઓ ડૂબ્યા હોવાની વાત ગામ સહિત આસપાસમાં વાયુ વેગે પ્રસરતા સ્થળ ઉપર લોકોના ટોળા જામ્યા હતા, જોકે ગણેશ વિસર્જનના દિવસે આ ઘટના બની હોવાનું પણ અનુમાન લગાવવામાં આવી રહ્યું છે, ત્યારે તળાવની બહાર ઉપસી આવેલ મૃતકની લાશનો હાલ તો પોલીસે કબ્જો મેળવી અન્ય એક યુવકની શોધખોળ કરી કાયદેસરની કાર્યવાહી હાથધરી છે.
હારૂન પટેલ : ભરૂચ
