બનાવ અંગેની પ્રાપ્ત માહિતી અનુસાર ભરૂચ શહેરના પશ્ચિમ વિસ્તારમાં આવેલ હુસેનિયા સોસાયટી વિસ્તારમાં ગત રાત્રીના સમયે સામાન્ય બાબતની બોલાચાલીમાં બે જૂથ સામ સામે આવી જતા મારક હથિયારો વડે થયેલ હુમલામાં એક વ્યક્તિ ઈજાગ્રસ્ત થયો હોવાનું સામે આવ્યું છે.
ઘટનામાં ઇજાગ્રસ્ત ભરૂચ સિવિલ હોસ્પિટલ ખાતે સારવાર લઇ રહેલ રફીક ઇસ્માઈલભાઈ ગોઠણ નાઓએ જણાવ્યું હતું કે રાત્રીના સમયે તેઓ હુસેનિયા મસ્જીદ નજીક બેઠા હતા તે દરમિયાન નાના બાળકો વચ્ચે કોઇક વાતને લઇ ઝઘડો થયો હતો જે ઘટનામાં તેઓએ બાળકોને છોડાવ્યા હતા તે બાદ આચનક 8 થી 10 વ્યક્તિઓના ટોળા એ આવી પહોંચી તેઓ ઉપર હુમલો કર્યો હતો.
હુમલામાં રફીકભાઈ ગોઠણના હાથના ભાગે તીક્ષ્ણ હથિયાર વડે હુમલો થતા તેઓ ઇજાગ્રસ્ત થયા હતા જે બાદ તેઓને તાત્કાલિક સારવાર અર્થે ભરૂચની સિવિલ હોસ્પિટલ ખાતે ખસેડવામાં આવ્યા છે. રાત્રીના સમયે થયેલ બે જૂથ વચ્ચેના ઝઘડાના મામલે ભરૂચ શહેર બી ડીવીઝન પોલીસે પણ મામલે તપાસ શરૂ કરી હોવાનું જાણવા મળી રહ્યું છે.
હારુન પટેલ : ભરૂચ
મો. : 99252 22744
