ભરૂચની રોજગાર કચેરી બહાર યુવા કોંગ્રેસ દ્વારા રાજય સરકારની યુવાઓને રોજગાર આપવાની નિષ્ફળતા સામે ઉગ્ર વિરોધ પ્રદર્શન કરાયું.

આજરોજ ભરૂચ જિલ્લા યુવા કોંગ્રેસ, NSUI, મહિલા કોંગ્રેસ સહીતના કાર્યકરોએ ભરૂચ ખાતે આવેલ રોજગાર કચેરીએ ભેગા થઇ રાજ્ય સરકારની નિષ્ફળતાના કારણે યુવાઓ બેરોજગાર બન્યા હોવાના આક્ષેપો સાથે કચેરી ખાતે ભારે વિરોધ પ્રદર્શન કરવામાં આવ્યું હતું.

યુવા કોંગ્રેસના જિલ્લા પ્રમુખ સકીલ અકૂજીની આગેવાનીમાં યુવા કોંગ્રેસના હોદ્દેદારો અને કાર્યકારોએ રાજ્ય સરકાર વિરુદ્ધ ભારે સુત્રોચ્ચાર કરી ઉગ્ર વિરોધ પ્રદર્શન કરવામાં આવતા પોલીસે કાર્યકરોની અટકાયત કરી હતી.

હારુન પટેલ : ભરૂચ