ભરૂચ આલ્ફા સોસાયટી ખાતેથી દારૂના જથ્થા સાથે એક શખ્સને ઝડપી પાડતી એ ડિવિઝન પોલીસ.

ભરૂચમાં આલ્ફા સોસાયટીના રહેણાંક મકાનમાં પાછળના ભાગેથી ભારતીય બનાવટનો વિદેશી દારૂનો જથ્થા સાથે એક બુટલેગરને એ ડીવીઝન પોલીસે ઝડપી પાડયો છે.

આ બનાવની પ્રાપ્ત વિગતો અનુસાર ભરૂચ એ ડિવિઝન પોલીસ તથા સર્વેલન્સ સ્ટાફના માણસો પેટ્રોલિંગમાં હોય તે દરમિયાન ચોક્કસ બાતમી મળેલ કે આલ્ફા સોસાયટી ખાતે એક મકાનનાં પાછળના ભાગેથી વિદેશી દારૂનો જંગી જથ્થો વેચાણ અર્થે આવેલ હોય આ બાતમીના આધારે એ ડિવિઝન પોલીસે રેડ પાડતા આલ્ફા સોસાયટીના રહેણાંક મકાનમાંથી ભારતીય બનાવટની વિદેશી દારૂની અલગ અલગ બ્રાન્ડની 750 મી. લી બોટલ નંગ-44 કિંમત રૂ. 29,770 સાથે આરોપી ચેતન કનુ પરમાર રહે. 37 આલ્ફા સોસાયટી રીંગરોડ ભરૂચ ખાતેથી પ્રોહિબિટેડ મુદ્દામાલ સાથે ઝડપી પાડયો છે. આરોપીને ઝડપી લઇ આ મુદ્દા માલ ક્યાંથી આવેલ તેમજ ક્યાં મોકલવાનું હોય તે સહિતની એ ડીવીઝન પોલીસે કાયદેસરની કાર્યવાહી હાથ ધરેલ છે.