ભરૂચ જિલ્લામાં બુટલેગરો ફરી માથા ઊંચકી રહ્યા હોય તેમ લાગી રહ્યું છે, જિલ્લામાં અનેક સ્થળેથી પોલીસ વિભાગે છેલ્લા કેટલાક દિવસોમાં લાખોની કિંમતનો વિદેશી શરાબનો જથ્થો ઝડપી પાડ્યો છે, ત્યારે વધુ એક ઘટના પ્રકાશમાં આવી છે.
ભરૂચ શહેરના લિંક રોડથી અયોધ્યાનગર જવાના માર્ગ પર ભરૂચ લોકલ ક્રાઇમ બ્રાંચે બાતમીના આધારે વોચ ગોઠવી હતી જે દરમિયાન હુન્ડાઇ ક્રેટા ફોર વ્હીલ ગાડીને રોકી તેની તલાશી તેમાંથી વિદેશી શરાબનો જથ્થો મળી આવ્યો હતો, પોલીસે ૩,૪૫,૫૦૦ ના મુદ્દામાલ સાથે આશ્રય સોસાયટીમાં રહેતા પ્રીયાંક ઉર્ફે પીન્કો ધર્મેશભાઈ મહંત તેમજ ધોળીકુઈમાં રહેતા મહેન્દ્ર રમણ ગાંધી ઉર્ફે શકુભાઈ ટ્રેલરને ઝડપી પાડી મામલે ભરૂચનો નામચીન બુટલેગર નયન ઉર્ફે બોબડો કાયસ્થ અને ભરત ઉર્ફે યોગેશ ઉર્ફે ફકાટ મિસ્ત્રીને વોન્ટેડ જાહેર કરી મામલે વધુ તપાસ હાથધરી છે.
Advertisement
