જી.સી.ઈ.આર.ટી ગાંધીનગર અને જિલ્લા શિક્ષણ તાલીમ ભવન ભરૂચ દ્વારા સાતમું એજ્યુકેશન ઇનોવેશન ફેસ્ટિવલ યોજાયું.

જી.સી ઈ.આર.ટી ગાંધીનગર પ્રેરિત તેમજ જિલ્લા શિક્ષણ અને તાલીમ ભવન ભરૂચ મુકામે 7 મું એજ્યુકેશન ઇનોવેશન ફેસ્ટિવલનું આયોજન ભરૂચ ડાયટ પ્રાચાર્ય કલ્પનાબેન એન.ઉનડકટના માર્ગદર્શન હેઠળ યોજવામાં આવ્યું હતું.

જી.સી.ઈ.આર.ટી ગાંધીનગર પ્રેરિત તેમજ જિલ્લા શિક્ષણ અને તાલીમ ભવન ભરૂચ દ્વારા જિલ્લા કક્ષાના 7 મું એજ્યુકેશન ઈનોવેશન ફેસ્ટિવલનું આયોજન તારીખ 10-01-2022 થી તારીખ 11-01-2022 એમ બે દિવસ દરમિયાન કરવામાં આવ્યું હતું. આ ફેસ્ટિવલમાં ભરૂચ જિલ્લાના પ્રાથમિક, માધ્યમિક, ઉચ્ચતર માધ્યમિક શાળાના કુલ 53 શિક્ષકોએ નવતર પ્રયોગો રજૂ કરેલા હતા. આ બે દિવસ દરમિયાન જિલ્લાના પ્રત્યેક તાલુકામાંથી વિવિધ શિક્ષકો દ્વારા મૂલ્યાંકન કરી રાજ્ય કક્ષા માટે 5 નવતર પ્રયોગોને પસંદગી કરવા માટે સરકારશ્રીની પ્રવર્તમાન કોરોના સંબંધિત એસ.ઓ.પીની ગાઈડલાઈન ધ્યાને લઈ સંપૂર્ણ આયોજન ડાયટ પ્રાચાર્ચા શ્રીમતી કલ્પનાબેન.એન.ઉનડકટના માર્ગદર્શન હેઠળ કરવામાં આવ્યું હતું.