ભરૂચ પોલીસ હેડ કવાર્ટર ખાતે પોલીસ ભરતીનો આજથી પ્રારંભ થયો હતો. તાજેતરમાં માવઠાને પગલે ભરૂચ પોલીસ હેડ કવાર્ટર ખાતે યોજવામાં આવેલ મહિલા પોલીસની શારીરિક કસોટી મોકૂફ રાખવામાં આવી હતી. જોકે હાલમાં પોલીસ હેડ કવાર્ટર ખાતેના મેદાનો શારીરિક કસોટી અંગે યોગ્ય જણાતા ગુજરાતભરના જુદા-જુદા વિસ્તારોમાંથી આશરે એક હજાર જેટલી મહિલાઓ પોલીસની શારીરિક કસોટી આપવા માટે ભરૂચ ખાતે ઉમટી પડી હતી. સ્વાભાવિક રીતે મહિલાઓ સાથે તેમના એક કે બે કુટુંબીજનો પણ આવ્યા હતા. ગતરોજ તા.5/12/21 ના સમી સાંજના સમયે આ તમામ લોકો આવતા તેમના રહેવા અંગેની સગવડ માટે પ્રશ્નો ઉપસ્થિત થયા હતા. એક તરફે ઠંડીનું વાતાવરણ જણાય રહ્યું હતું તો બીજીબાજુ ગણતરી કરતાં વધુ લોકો ઉમટી પડયા હતા જેથી વ્યવસ્થા અપૂરતી જણાય હતી.
Advertisement
