ભરૂચ જિલ્લાના નેત્રંગ ટાઉનની ૧૪ વર્ષીય કિશોરીએ બેડમિન્ટનની સ્પર્ધામાં બે ગોલ્ડ જીતતા નેત્રંગ સહિત સમગ્ર ભરુચ જિલ્લાનું ગૌરવ વધાર્યુ છે. નેત્રંગના ગાંધીબજારમાં રહેતા આશિષભાઇ ગોપાલભાઇ ગાંધીની ૧૪ વર્ષીય દિકરી એશાકુમારી, જે લુવારા ખાતે આવેલ એમિકસ શાળા ખાતે ધોરણ ૯ માં અભ્યાસ કરે છે,તેણે આણંદ ખાતે ગુજરાત બેડમિન્ટન એસોસિએશન દ્રારા યોજાયેલ અંડર ૧૭ અને અંડર ૧૯ ઓપન ગુજરાત બેડમિન્ટન ટુર્નામેન્ટમાં ભાગ લીધો હતો.ટુર્નામેન્ટમાં એશાકુમારી ગાંધીએ શ્રેષ્ઠ દેખાવ કરતા અંડર ૧૭ માં સિંગલ્સ અને મિક્સ ડબલ્સમાં ચેમ્પિયન બની બે ગોલ્ડ જીત્યા હતા. આ ઉપરાંત હાલમાં સુરત ખાતે યોજાયેલ અંડર ૧૩ ૧૫ ઓપન ગુજરાત બેડમિન્ટન ટુર્નામેન્ટમાં એશાકુમારીએ શ્રેષ્ઠ દેખાવ કરીને અંડર ૧૫ માં સિંગલ્સ અને મિક્સ ડબલ્સમાં ચેમ્પિયન બની હતી. એશાકુમારીએ આટલી નાની ઉંમરમાં સ્પર્ધાત્મક રમતોમાં ભાગ લઇને ઉતરોત્તર સિધ્ધી મેળવતા નેત્રંગ સહિત સમગ્ર ભરુચ જિલ્લાનું ગૌરવ વધાર્યુ છે.
ગુલામહુશેન ખત્રી રાજપારડી જિ.ભરૂચ
