ભરૂચ જિલ્લાના દહેજ વિસ્તારમાં આવેલ અંભેઠા ગામ બસ સ્ટેન્ડ નજીક આવેલ એક કોલોનીનાં રૂમમાં રહેતા અને ઇજેક્ટ કંપનીના કોન્ટ્રાક્ટમાં મજૂરી કામ કરતા ૨૮ વર્ષીય યુવકે કોઈ અગમ્ય કારણોસર ગળે ફાંસો ખાઇ આપઘાત કરી લેતા ચકચાર મચ્યો હતો.
બનાવ અંગેની પ્રાપ્ત માહિતી અનુસાર ભરૂચના દહેજ અંભેઠા બસ સ્ટેન્ડ નજીક કોલોનીના રૂમમાં ભાડેથી રહેતા સુમન કુમાર નારણભાઈ તાતી ઉ.વ ૨૮ વર્ષ નાઓએ કોઈ અગમ્ય કારણોસર પોતાના રૂમમાં ગત રાત્રીના સમયે ફાંસો ખાઈ આપઘાત કરી લેતા ભારે ખળભળાટ મચ્યો હતો.
Advertisement
દહેજની ઇજેક્ટ કંપનીમાં કોન્ટ્રાક્ટ પર કામ કરતા પરપ્રાંતીય ઈસમ સુમનના અચાનક ગળે ફાંસો ખાઈ આપઘાત કર્યાની ઘટનાની જાણ દહેજ મરીન પોલીસને કરવામાં આવતા દહેજ મરીન પોલીસે મૃતકની લાશને પોસ્ટમોર્ટમ અર્થે ભરૂચ સિવિલ હોસ્પિટલમાં ખસેડી મામલે ગુનો નોંધી વધુ તપાસ હાથધરી છે.
