Proud of Gujarat
FeaturedGujaratINDIA

ભરૂચ જંબુસર માર્ગ પરથી ચોર ખાનું બનાવી વિદેશી દારૂ વહન કરી લઇ જતી ટ્રક ઝડપાઇ, ૨૪ લાખ ઉપરાંતનો મુદ્દામાલ કબ્જે.

Share

બનાવ અંગેની જાણવા મળતી માહિતી અનુસાર ભરૂચ લોકલ ક્રાઈમ બ્રાંચની ટિમ ભરૂચના જંબુસર માર્ગ પર પેટ્રોલિંગમાં હતી દરમિયાન કંથારિયા ગામ નજીક બાતમીના આધારે એક ટ્રક નંબર RJ.14.GK 8524 ને અટકાવી તેની તલાશી લેતા ટ્રકમાં બનાવેલ ચોર ખાનામાંથી વિદેશી દારૂનો વિપુલ જથ્થો નજરે પડતા પોલીસે ડ્રાઈવર અને ક્લીનરની ધરપકડ કરી તેઓની સામે કાયદેસરની કાર્યવાહી હાથધરી છે.

પોલીસની તપાસમાં ટ્રકની કેબીન તથા પાછળના બોડીના ભાગ વચ્ચે પાટિશન કરી એક મોટું ચોરખાનું બનાવેલ મળી આવ્યું હતું જેમાં વિદેશી દારૂના ૨૬૦ બોક્સમાં ભરેલ કુલ ૩૧૨૦ જેટલી બોટલો સાથે હરિયાણાના કરનાલ જિલ્લાના વતની અમરસિંહ જાગીરસિંહ રંધાવા તેમજ શેરસિંહ નિરંજનસિંહ સરોઇ નામના ઇસમોને ઝડપી પાડી તેઓ પાસેથી ટ્રક, મોબાઈલ, રોકડા મળી કુલ ૨૪.૯૮.૫૩૦ લાખનો મુદ્દામાલ કબ્જે કરવામાં આવ્યો હતો.

હાલ ઝડપાયેલા આરોપીઓની લોકલ ક્રાઈમ બ્રાંચે ધરપકડ કરી આ દારૂનો જથ્થો ક્યાંથી લાવ્યા અને કોને મોકલવાનો હતો તે દિશામાં તેઓની પૂછપરછ શરૂ કરી તેઓની સામે કાયદેસરની કાર્યવાહી હાથધરી છે.

Advertisement

Share

Related posts

નેત્રંગ તાલુકામાં વિદ્યાર્થીનીઓને સાયકલ વિતરણ કરાશે.

ProudOfGujarat

ભરૂચ જિલ્લાની પાંચેય વિધાનસભા બેઠકો પર ઉમેદવારોના હરીફો મજબૂત-ચૂંટણી જીતવા કમર કસવી પડશે..!!

ProudOfGujarat

અંકલેશ્વર નગરપાલિકાએ ભાડાપટ્ટે જમીન મેળવી ભાડે આપવાનો નવો ધંધો શરૂ કર્યો…

ProudOfGujarat

Leave a Comment

error: Content is protected !!