ભરૂચ જિલ્લામાં ચોરી, મારામારી, લૂંટફાટ, જુગાર અને હત્યાના બનાવ ઘણા વધી રહ્યા છે જાણે ગુના કરનારાઓને પોલીસ તંત્રનો કોઈ જ ભય રહ્યો નથી તેમ ખુલ્લેઆમ રીતે જ ગેરકાનૂની કામોને અંજામ આપી રહ્યા છે તે માટે ભરૂચ પોલીસ દ્વારા ભરૂચ જીલ્લામા નાસતા ફરતા આરોપીઓને શોધી કાઢવા તંત્ર હરકતમાં આવ્યું છે. વાપી ટાઉન પોલીસ સ્ટેશન વિસ્તારમાં પ્રોહિબિશનનાં ગુનામાં છેલ્લા બે વર્ષથી નાસતા ફરતા આરોપીને ભરૂચ એલ.સી.બી. એ ઝડપી પાડયો.
ભરૂચ જિલ્લા તથા જિલ્લાની બહાર નાસતા ફરતા આરોપીઓને ઝડપી પાડવા માટે ભરૂચ એલ.સી.બી ટીમ પેટ્રોલિંગમાં હતા તે દરમિયાન બાતમીને આધારે વાપી ટાઉન પોલીસ સ્ટેશન વિસ્તારના આરોપી અમજદ ખાન અઝીઝ ખાન રેહાન રહે, આમોદ દરબાર રોડ, આમોદ, ભરૂચ જેઓએ અગાઉ વરતેજ પોલીસ સ્ટેશન વિસ્તારમાં ટ્રક ચોરીના ગુનામાં અટક કરવામાં આવી હતી અને છેતરપિંડીના ગુના કર્યા હતા.
તે મુજબ ગુનામાં છેલ્લા બે વર્ષથી આરોપી નાસતો ફરતો હતો જેને આમોદ દરબાર રોડ સરકારી દવાખાના સામેથી ઝડપી પાડીને આગળની કાર્યવાહી આમોદ પોલીસ સ્ટેશનને સોંપવામાં આવી હતી અને વાપી ટાઉન પોલીસ સ્ટેશન જાણ કરવા તજવીજ હાથ ધરવામાં આવી હતી.
રિધ્ધી પંચાલ, ભરૂચ.
