નિ:શુલ્ક હેલ્થ કેમ્પ : જેસીઆઇ ભરૂચ દ્વારા જય અંબે સ્કુલ, ભોલાવ ખાતે મફત સર્વરોગ નિદાન કેમ્પનું આયોજન કરાયુ.

જેસીઆઇ ભરૂચ દ્વારા 7X મલ્ટી સ્પેશ્યાલીટી હોસ્પીટલના સહયોગથી નિ:શુલ્ક સર્વ રોગ નિદાન કેમ્પનું તા ૨૦.૦૬.૨૦૨૧ ના રોજ સવારે ૯ થી ૨ વાગ્યા સુધી જય અંબે ઈન્ટરનેશનલ સ્કુલ, નારાયણ કુંજવિહાર સોસાયટી પાસે, ભોલાવ, ભરૂચ પર આયોજન કરવામાં આવ્યું છે. જેમાં પ્રાથમિક ચેકઅપ જનરલ સર્જન તથા ફીઝીશ્યન તેમજ સ્ત્રીરોગ ચિકિત્સક દ્વારા તપાસ કરી યોગ્ય માર્ગદર્શન તેમજ મફતમા જરૂરી દવાઓ આપવામાં આવશે. જેમા જાહેર જનતાને ભાગ લેવા જણાવવામાં આવ્યુ હતુ.

જેમાં બ્લડ પ્રેશર તપાસ, રેન્ડમ બ્લડ સુગર તપાસ, ઓક્સિજન સેચ્યુરેશન, ECG વગેરે તેમજ બહેનો માટે બ્રેસ્ટ એનાલિસિસ, સ્ત્રી રોગો તપાસ, માસિકને લગતી કોઈપણ તકલીફ, પેટમાં દુખાવો રહતો હોય, સફેદ પાણી પડતું હોય, ખંજવાળ આવવી, પેપ સ્મીર ટેસ્ટ, નિસંતાન પણા જેવા અંગત તકલીફોનું માર્ગદર્શન વગેરેની તપાસ કરી આપવામાં આવશે, જેમા પ્રેસીડન્ટ જગદીશ પટેલ સહિત સેક્રેટરી જુમાના ગુલામહુસૈનવાલાની ઉપસ્થિતીમા કેમ્પનુ આયોજન કરવામા આવશે.