રાજપારડી : ઝઘડિયા તાલુકાના ઉમલ્લા ગામે ઘરની જમીન બાબતે બે મહિલાઓ બાખડી

ભરૂચ જિલ્લાના ઝઘડીયા તાલુકાના ઉમલ્લા ગામે ઘરની જમીન બાબતે ઝઘડો થતાં પોલીસમાં ફરિયાદ થવા પામી હતી.વિગતો મુજબ ઉમલ્લા ગામે રહેતી સવિતાબેન કાંતિભાઈ વસાવા તથા તેની માતા રમીલાબેન તેમના ઘરે હાજર હતા તે દરમિયાન તેમના ઘરની બાજુમાં રહેતી ભગુબેન અર્જુનભાઈ વસાવા સવિતા તથા રમીલાબેનને ગમેતેમ ગાળો બોલવા લાગી હતી.અને કહેતી હતી કે તમારું આ ઘર તોડીને જતા રહો આ જગ્યા અમારી છે.તમને કોઈ ભાગ મળે નહીં, તેમ કહીને ગાળા ગાળી કરવા લાગેલ. તે સમયે સવિતા તથા રમીલાબેને ગાળો બોલવાની ના પાડતા તે ઝપાઝપી કરવા લાગી હતી. આ દરમિયાન ભગુબેનનો ઘરવાળો અર્જુન તથા સવિતાબેન રતિલાલ બંને દોડી આવીને એનું ઉપરાણું લઇને રમીલાબેનને લાકડી લઇ આવી માર માર્યો હતો. ઇજાગ્રસ્ત રમીલાબેનને સારવાર અર્થે ઉમલ્લા સરકારી દવાખાને લઈ જવાયા હતા. જમીન બાબતની તકરારમાં સવિતાબેન કાંતિભાઈ વસાવાએ (૧) ભગુબેન અર્જુનભાઈ વસાવા (૨) અર્જુનભાઈ રતિલાલ વસાવા (૩) સવિતાબેન રતિલાલ વસાવા તમામ રહે. ઉમલ્લા વિરુદ્ધ ઉમલ્લા પોલીસ મથકમાં ફરિયાદ નોંધાવી હતી.
ગુલામહુશેન ખત્રી રાજપારડી