ભરૂચનાં ચાવજ નજીક આવેલ વીડિયોકોન કંપનીના સ્ટોર રૂમમાં આગ લાગી : 3 ફાયર બ્રિગેડ ઘટનાસ્થળે.

ભરૂચ જિલ્લામાં અનેક કંપનીઓ આવેલી છે અને જિલ્લાની અનેક કંપનીમાં અવારનવાર આગ લાગવાની હોનારત સર્જાતી હોય છે. તે જ રીતે ચાવજ નજીક આવેલ વીડિયોકોન કંપની છેલ્લા ઘણા સમયથી બંધ પડેલ છે જેના સ્ટોર રૂમમાં આજરોજ એકાએક આગ ફાટી નીકળી હતી. જેને પગલે બહાર રેલ સિક્યુરિટી સ્ટાફમાં ગભરાહટનો માહોલ સર્જાયો હતો. આગને કાબુમાં મેળવવા માટે તત્કાલિક 3 ફાયર બ્રિગેડ ઘટના સ્થળે પહોંચી આવી હતી અને આગને કાબુમાં લાવી હતી. મળતી માહીતી અનુસાર આગ એકાએક કાબુમાં લઇ લેવાતા કોઈને જાનહાની પહોંચી ન હતી.