બનાવ અંગેની પ્રાપ્ત માહિતી અનુસાર ભરૂચ શહેરનાં વેજલપુર વિસ્તારમાં આવેલ પોપટીખાડી નજીક રહેતા નટવર ચુનીલાલ મિસ્ત્રી ઉં.વ ૪૫ નાઓની ગત રોજ તેઓના જ સગા નાનાભાઈ સતીષ ચુનીલાલ મિસ્ત્રી સાથે મજૂરીના રૂપિયા બાબતે ઝઘડો થયો હતો, જોતજોતામાં બંને વચ્ચે ઝઘડો ઉગ્ર બનતા સતીષ મિસ્ત્રીએ નટવરભાઈને પેટના ભાગે ચપ્પુના ઘા મારી ગંભીર ઇજાઓ પહોંચાડી હતી.
ઘટનામાં ઇજાગ્રસ્ત નટવરભાઈ મિસ્ત્રીના તાત્કાલિક સારવાર અર્થે પ્રથમ ભરૂચની સિવિલ હોસ્પિટલ ખાતે ખસેડવામાં આવ્યા હતા ત્યાંથી વધુ સારવાર માટે તેઓને વડોદરા ખાતે લઇ જવાયા હતા જ્યાં તેઓનું સારવાર દરમિયાન મોત નીપજ્યું હોવાનું સામે આવ્યું હતું.
ઘટના સંદર્ભે ભરૂચ બી ડિવિઝન પોલીસે સતીષ ચુનીલાલ મિસ્ત્રી સામે હત્યાનો ગુનો દાખલ કરી તેની ધરપકડના ચક્રોગતિમાન કર્યા છે, તો બીજી તરફ સગા ભાઈએ ભાઈની હત્યા કર્યા હોવાની ઘટના બનતા સમગ્ર વિસ્તારમાં ચકચાર મચી જવા પામ્યો હતો.
