બનાવ અંગેની પ્રાપ્ત માહિતી અનુસાર ભરૂચ જિલ્લાના વાલિયા ખાતેનાં બજારમાં આવેલ બ્રાઇટ જેન્ટસ ટેઈલર નામની દુકાન ચલાવતા મનહરભાઈ સુરતીનાઓ તેઓની દુકાને હાજર હતા દરમિયાન તેઓને ત્યાં ગ્રાહક તરીકે બે જેટલા અજાણ્યા ઈસમો આવ્યા હતા અને શર્ટનું કાપડ પસંદ કરવા સાથે પૈસાની આપ લે કરી હતી.
તે જ દરમિયાન મહનહર ભાઈને બે અજાણ્યા ગઠિયાઓએ વાતોમાં ભોળવી લઇ તેઓએ ગળામાં પહેરલ ચેઈન જોકે માંગી હતી અને બાદમાં તેઓએ મહનરભાઈની નજર ચૂકવી તેઓની ચેઈન તેમજ રોકડ રકમની ચોરી કરી સ્થળ પરથી વાલિયા બજાર તરફ ફરાર થઇ જતાં મનહરભાઈએ સમગ્ર બાબત અંગે વાલિયા પોલીસ મથકે ફરિયાદ આપી હતી.
વાલિયા પોલીસે દરજી કામ કરતા મનહરભાઈ સુરતીની ફરિયાદ લઇ તેઓની ૧૬ ગ્રામની સોનાની ચેઇન જેની કિંમત અંદાજીત ૪૫,૩૮૦ તથા ગલ્લામાં મુકેલ ૧૫,૦૦૦ ની રોકડ રકમ મળી કુલ.૬૦,૩૮૦ નાં મુદ્દામાલની ચોરી કરી પલાયન થયેલ બંને ગઠિયાઓ સામે ગુનો દાખલ કરી કાયદેસરની કાર્યવાહી હાથધરી છે.
