ભરૂચ : નારાયણ વિદ્યાલય દ્વારા વેસ્ટમાંથી બેસ્ટ સ્પર્ધાનું આયોજન કરાયું.

ભરૂચ ખાતે આવેલી નારાયણ વિદ્યાલય દ્વારા વિવિધ સ્પર્ધાઓનું વખતો વખત આયોજન કરવામાં આવ્યું હતું. જયારે કોરોના કાળનાં કારણે વિદ્યાર્થીઓનું સમગ્ર શૈક્ષણિક કાર્ય ઘરમાં ચાલી રહ્યું છે ત્યારે નારાયણ વિદ્યાલય ભરૂચ દ્વારા ધોરણ 6 થી 8 ના વિદ્યાર્થીઓ માટે ઓનલાઈન શિક્ષણ સાથે વિશેષ પ્રવૃતિનાં ભાગરૂપે વેસ્ટમાંથી બેસ્ટ પ્રવૃતિ યોજાઇ હતી. જેમાં ન્યૂઝપેપર, લાકડું, દિવાસળી, પથ્થર વગેરે નકામી ચીજવસ્તુઓમાંથી વિદ્યાર્થીઓએ બેસ્ટ મોડલ બનાવ્યા હતા. જેનું ઓનલાઈન પ્રદર્શન પણ યોજાયું હતું જેમાં ધોરણ 6 થી 8 નાં 125 જેટલા વિદ્યાથીઓએ ભાગ લીધો હતો.