ભરૂચ જીલ્લાના કોલવણા ગામના મૂળ રહેવાસી અને છેલ્લા 10 વર્ષ કરતા વધુ સમયથી સાઉથ આફ્રિકામાં રોજીરોટી માટે સ્થાયી થયેલ પટેલ પરિવારને કાર અકસ્માત નડયો હતો. મળતી માહીતી મુજબ વાગરા તાલુકાના કોલવણા ગામના મૂળ રહેવાસી એવા સાકિર પટેલ અને રોજમીના પટેલ છેલ્લા 10 વર્ષ કરતા વધુ સમયથી સાઉથ આફ્રિકાના મેરિસ્ક બર્ડ વિસ્તારમાં સ્થાયી થયા હતા.તેઓ રવિવારની રાત્રે પોતાની કારમાં જઈ રહ્યા હતા ત્યારે સાકીર પટેલ અને રોજમિના પટેલનું મોત નિપજયું હતું. આ અકસ્માતના બનાવની કરુણતા એ છે કે નાની બાળકીનો એ જ દિવસે જન્મદિવસ હોવાથી કેક કાપ્યા બાદ પરિવાર કારમાં ઉજવણી અર્થે જતું હતું ત્યારે અકસ્માત નડયો હતો જેમાં પતિ પત્નીનું મોત નિપજ્યું હતુ જયારે બે બાળકોને ગંભીર ઇજા પહોંચી હોવાનાં અહેવાલ સાંપડયા હતા. આ બનાવનાં પગલે વાગરાના કોલવણા ગામમાં શોકની લાગણી ફેલાઇ ગઇ હતી.
Advertisement
