ભરૂચ : મહંમદપુરા લાલવાડી નજીક અનાજ ભરેલી ટ્રક ગટરમાં ખાબકી.

ભરૂચ નગરમાં મહંમદપુરા વિસ્તારમાં વેપાર માટે મુખ્ય બજાર છે જ્યાં જથ્થાબંધ વેપારીઓની દુકાનો અને ગોડાઉન આવેલા છે ત્યાં રસ્તા પર ખુલ્લી ગટરો હોવાના પગલે વારંવાર ટ્રકો ગટરમાં ખબકે છે. જેના કારણે વેપારીઓ ત્રાહિમામ પોકારી ઉઠ્યા છે. આજે આમદવાદથી ચોખા ભરેલ ટ્રક ભરૂચનાં મહંમદપુરા લાલવાડી નજીક વેપારીને ત્યાં આવી હતી પરંતુ આ ટ્રક ગટરમાં પડતાં ટ્રકને કાઢવા ક્રેનની વ્યવસ્થા કરવા ચક્રો ગતિમાન કરવામાં આવ્યા છે. આ ઘટનામાં કોઈ જાનહાનિ થવા પાણી ન હતી.વેપારીનાં જણાવ્યા અનુસાર નન્નુમિયા વિસ્તારમાં આવેલા ગટરોમાં વારંવાર ટ્રક ફસાવવાની ઘટનાઓ બની રહી છે જે ખૂબ ચિંતાજનક બાબત છે.