ભરૂચ : ટ્રક ચોરીનાં ગુનામાં નાસતા ફરતા આરોપીને પકડી પાડતી આમોદ પોલીસ.

આમોદ પોલીસ મથક ખાતે ટ્રક ચોરીનો ગુનો નોંધાયો હતો. જે અંગે મળેલ બાતમીનાં આધારે જીલ્લા પોલીસવડા રાજેન્દ્રસિંહ ચુડાસમાની સૂચના અને માર્ગદર્શન હેઠળ આમોદ પોલીસે કામગીરી કરતાં રીઢો વાહન ચોર ગોધરા ખાતેથી ઝડપાયો હતો. આરોપીનું નામ યાકુબ અબ્દુલ સતાર પથિયા રહે. મુસ્લિમ સોસાયટી, ગોધરા. જેને આમોદ પોલીસ સ્ટેશન વિસ્તારની ટ્રક ઉઠાંતરીનાં બનાવ ઉપરાંત અંકલેશ્વર અને અન્ય વિસ્તારમાં વાહન ચોરીનાં ગુના કબૂલ્યા હતા. આ રીઢો વાહન ચોરની તપાસ દરમિયાન વધુ વાહન ઉઠાંતરીનાં બનાવનાં ભેદ ખૂલે તેવી સંભાવના છે.