ભરૂચ : જંબુસર તાલુકાનાં કાવી ગામનાં બસ સ્ટેન્ડ નજીક દુકાનમાં આગ લાગી.

ભરૂચ જીલ્લામાં અગમ્ય કારણોસર આગ લાગી હોય તેવા બનાવો બની રહ્યા છે. ત્યારે જંબુસર તાલુકાનાં કાવી ગામ ખાતે આગનો બનાવ બન્યો હતો. જેમાં એસ.ટી. બસ સ્ટેન્ડ નજીક દુકાનમાં ભીષણ આગ લાગી હતી. ચાચા શોપિંગ સેન્ટરમાં આવેલ દુકાનમા આગ લાગવાનો બનાવ બન્યો હતો. માહિતી મુજબ ગેસ સિલિન્ડર લીકેજ થવાથી આ બનાવ બન્યો હતો. સ્થાનિક રહેવાસીઓએ ફાયર બ્રિગેડને જાણ કરતાં ફાયર બ્રિગેડનાં જવાનોએ આગ કાબુમાં લેવા અંગેની કવાયત શરૂ કરી હતી.