વલસાડ જીલ્લાનાં વાપી ઉદ્યોગનગર પોલીસ સ્ટેશનમાં ગુનામાં છેલ્લા બે વર્ષથી નાસતા ફરતા આરોપીને એસ.ઓ.જી. પોલીસે ઝડપી પાડેલ છે. આ અંગેની વિગત જોતાં ભરૂચ જીલ્લા પોલીસવડા રાજેન્દ્રસિંહ ચુડાસમાની સૂચના અને માર્ગદર્શનનાં આધારે નાસતા ફરતા આરોપીને ઝડપી પાડવાની ઝુંબેશ ચાલી રહી છે. જેના અનુસંધાને એસ.ઓ.જી. પી.આઇ. પી.એન. પટેલની સૂચનાનાં આધારે પી.એસ.આઇ.એન.જે.ટાપરિયા તથા એસ.ઓ.જી. સ્ટાફના માણસો ભરૂચ શહેર વિસ્તારમાં પેટ્રોલીંગમાં હતા તે દરમ્યાન ધર્મેન્દ્ર જુલાલને મળેલ બાતમીનાં આધારે વલસાડ જીલ્લાનાં વાપી ઉદ્યોગનગર પોલીસ સ્ટેશન ખાતે નોંધાયેલા આરોપી ગની મોહંમદ ઇસ્માઇલભાઈ મન્સૂરી રહે. મિલન રેસિડન્સી, રહાડપોર, ભરૂચ નાઓને ભરૂચ રેલ્વે સ્ટેશન પાસેથી ઝડપી પાડી કાયદેસરની કાર્યવાહી કરવામાં આવેલ છે.
Advertisement
