ભરૂચ : શ્રમિકોએ વતન વાપસી કરતા ઔધોગિક વિસ્તારમાં શ્રમિક કોલોનીઓ અને વસવાટ કરતા ઝુંપડાઓ સુમસામ બન્યા.

ભરૂચ જિલ્લામાં અનેક ઉધોગો આવેલા છે,આ ઉધોગોમાં અનેક શ્રમિકો રોજી રોટી માટે અહીંયા વસવાટ કરતાં હતાં,પરંતુ કોરોના મહામારી વચ્ચે સર્જાયેલ લોકડાઉનની સ્થિતિમાં શ્રમિકોની હાલત કફોડી બની હતી, શ્રમિકોએ બાદમાં વતન વાપસીની વાત પકડતા ભરૂચ જિલ્લાના દહેજ, વિલાયત, અંકલેશ્વર, પાનોલી, ઝઘડિયા સહિતનાં વિસ્તારમાં આવેલ શ્રમિક કોલોનીની ઝૂંપડપટ્ટીઓ સુમસામ નજરે પડી રહી છે,એક સમયે શ્રમિકોથી ધમધમતા વિસ્તારોમાં આજે સન્નાટો જોવા મળી રહ્યો છે.