ભરૂચ : સંતોષી યુવક મંડળ દ્વારા અયોધ્યા નગર વિસ્તારનાં સ્થાનિકોને માસ્ક વિતરણ કરાયું.

કોરોના વાયરસના ભરડામાંથી લોકોને સાવચેતીના ભાગરૂપે સંતોષી યુવક મંડળનો નવતર અભિગમ. ભરૂચ અયોધ્યા નગર સંતોષી માતા યુવક મંડળ ટ્રસ્ટ તરફથી અયોધ્યાનગર તેમજ આજુબાજુની સોસાયટી વિસ્તારમાં કોરોના જેવા રોગનો શિકારના થવાય તે હેતુસર સ્થાનિક રહીશોને ઘરે ઘરે જઈ માસ્ક વિતરણ કરાયું. શ્રી સંતોષી માતા ટ્રસ્ટ છેલ્લા ઘણા વર્ષોથી સેવાકીય પ્રવૃત્તિ કરી રહ્યું છે હાલમાં જ થોડા સમય પહેલા ભરૂચ શહેર અને જિલ્લામાં નર્મદા નદીમાં પૂર આવેલ તે સમયે પૂર પીડિત વિસ્તારોમાં જમવાનું તેમજ ગુજરાતી સ્કૂલોમાં અભ્યાસ કરતા વિદ્યાર્થીઓને રેઇનકોટ વિતરણ તેમજ જ્યારે પણ ભરૂચ શહેર અને જિલ્લાને કઈ પણ જરૂરત પડે ત્યારે ભરૂચ શ્રી સંતોષી માતા ટ્રસ્ટના યુવાનો ખડેપગે રહી ભરૂચ વાસીઓને સેવા કરવા કાયમ તત્પર રહે છે અને રહેશે તેમ શ્રી સંતોષી માતા ટ્રસ્ટના પ્રમુખ પરેશ લાડે જણાવેલ.