ભરૂચ જીલ્લાનાં વાલીયા તાલુકાનાં કોંઢ ગામ નજીક અમદાવાદથી ચોપડા જતાં એસ.ટી. બસને સવારે 4 વાગ્યાનાં સુમારે અકસ્માત નડયો હતો. આજે અમદાવાદથી ચોપડા મહારાષ્ટ્ર જતી સરકારી એસ.ટી.નાં ચાલકે કોંઢ ગામ નજીક પૂર ઝડપે બસ હંકારીને આગળ ચાલતા કન્ટેનર ટ્રક સાથે ધડાકાભેર અથડાતાં બસમાં બેઠા અને નિંદ્રા માણી રહેલા મુસાફરો સફાળે જાગી ગયા હતા. જોકે બસ અથડાતાં કેટલાક મુસાફરોને ઇજા પહોંચી હતી. જોકે ઇજાગ્રસ્તોને તાત્કાલિક 108 મારફતે વાલીયા પ્રાથમિક આરોગ્ય કેન્દ્ર ખાતે ખસેડવામાં આવ્યા હતા. પોલીસ ધટના સ્થળે પહોંચી હતી. અને આ મામલે પોલીસ ફરિયાદ દાખલ કરી તપાસ શરૂ કરી છે.
Advertisement
