ભરૂચના લિંક રોડ ઉપર નગરપાલિકાના ટેન્કરની અડફેટે બે કિશોરોના મોત થયાની ધટનાની અરેરાટી હજુ શમી નથી ત્યાં ભરૂચ નગરપાલિકાના એક ટ્રેકટરએ દુધધારા ડેરી પર બે લોકોને અડફેટે લીધાની ધટના બનવા પામી હતી. ભરૂચ સ્થિત દુધધારા ડેરી રોડ ઉપર આજે સવારે નગરપાલિકાનાં એક ટ્રેકટરના ચાલકે બાઈક સવાર બે લોકોને અડફેટે લીધા હતા. આ અકસ્માતમાં બંને બાઈક સવારોને ગંભીર ઇજાઓ પહોંચતા ભરૂચની સિવિલ હોસ્પિટલ ખાતે સારવાર અર્થે ખસેડાયા હતા. ભરૂચ નગરપાલિકાના વાહનો લોકો માટે યમદૂત સાબિત થઈ રહ્યા છે.છેલ્લા ત્રણ દિવસો દરમ્યાન બીજી ધટના બનતા હવે નગરપાલિકામાં વાહનોના ફિટનેસ સંદર્ભે અનેક પ્રશ્નાર્થો ઊભા થવા પામ્યા છે.
Advertisement
