ભરૂચ તાલુકાનાં કેસરોલ સ્થિત આદિત્ય બિરલા પબ્લિક સ્કૂલ ખાતે શાળાનો વાર્ષિક ઉત્સવ દબદબાભેર ઉજવાયો હતો.

કેસરોલ સ્થિત આદિત્ય બિરલા પબ્લિક સ્કૂલનો વાર્ષિક ઉત્સવ તાજેતરમાં યોજાયો હતો, જેમાં મુખ્ય અતિથિ તરીકે બિરલા કોપર કંપનીના યુનિટ હેડ કનકાનંદ, જોઈન્ટ પ્રેસિડન્ટ એચ.આર.અનિલ ટિપલે, આચાર્ય ડો.મનોજ કુમાર ગુપ્તા, ઉપાચાર્ય ગોવિંદ મુરજાની સહિત મહાનુભાવો ઉપસ્થિત રહ્યા હતા. શાળાના વિદ્યાર્થીઓએ વસુઘેવ કુટુંબકમ ની ભાવનાને ઉજાગર કરતી, લઘુ નાટિકા, નૃત્ય નાટિકા તેમજ વિવિધ પ્રાંતના નૃત્યો સહીત સાંસ્કૃતિક કૃતિઓ રજુ કરી હતી. આ સમારંભ દરમિયાન તેજસ્વી વિદ્યાર્થીઓને પ્રમાણપત્ર અને પારિતોષિક આપી સન્માનિત કરવામાં આવ્યા હતા.